ഒറ്റ രഹസ്യങ്ങളുടെ ഒരു കലവറ


" ഒറ്റ രഹസ്യങ്ങളുടെ ഒരു കലവറയാണ്. ഒറ്റ അത് ഒന്നിനെ സൂചിപ്പിക്കുന്നു. ഒരു മനുഷ്യന്ന് വേണ്ട എല്ലാം അതിലുണ്ട്. ചർച്ച ചെയ്താലും പഠനത്തിന്ന് വിധേയമാക്കുന്തോറും കൂടുതൽ കൂടുതൽ അറിവുകൾ സമ്മാനിക്കുന്ന ഒരായുധം"

  കോൽത്താരി ഇനത്തിലെ പ്രധാനപ്പെട്ട ഒരായുധമാണ് "ഒറ്റ" എന്ന് നാം മനസ്സിലാക്കി യിറ്റുണ്ട്. കളരിവിദ്യയിലെ നാലാമത്തെ ഭാഗമായ വെറുംകൈ മുറയിലേക്കുളള ഒരു തയ്യാറെടുപ്പ് എന്നും ഒറ്റ പയറ്റിനെ വിശേഷി പ്പിക്കാറുണ്ട്.

  ഒറ്റകൃത്യമായി പരിശീലനം സിദ്ധിച്ച ഒരഭ്യാസിയുടെ കൈ എടുക്കുന്ന രീതി, കാൽവെക്കുന്ന രീതി, പ്രയോഗരീതി, ആക്രമണ - പ്രതിരോധ രീതി, നോട്ടം, ചിന്ത തുടങ്ങി എല്ലാം തിരിച്ചറിയാനാകും. അങ്ങനെ പരിശീലിച്ച ഒരാൾക്ക് പ്രയോഗ പ്രതിരോധത്തിന്ന് മറ്റൊന്നും പഠിക്കണമെന്നില്ല.

  വിദ്യ അറിയുന്നവരുടെ ചർച്ചയിൽ കൂടുതലും വിഷയമായി വരാറുള്ളത് ഒറ്റ തന്നെ. മനുഷ്യശരീര ഘടനയോട് അടുത്തു നിൽക്കുന്നു ഒറ്റക്കോലിന്റെ രൂപം. രണ്ട് പേർ ചേർന്നാണ് സാധാരണ ഒറ്റ പരിശീലീക്കാറ്. എന്നാൽ തുണയില്ലാതെ സ്വന്തത്തിൽ പരിശീലിപ്പിക്കുന്ന രീതിയും അവലംഭിക്കുന്നുണ്ട്. ഇവിടെയാണ് വടക്കൻ ശൈലിയിലെ രണ്ട് രീതികളായ പിള്ളതാങ്ങി, അറപ്പക്കൈ എന്നിവക്ക് പ്രസക്തി വരുന്നത്.

  ഒറ്റപ്പയറ്റില്‍ 64 കോലുകളും, 64 ചുവടു കളും, 64 കൂലമര്‍മ്മങ്ങളിലേക്കുള്ള പ്രയോഗങ്ങളും,64 കള്ളക്കോലുകളും അടങ്ങിയിരിക്കുന്നു എന്നാണ് പൊതുവെ പറഞ്ഞ് വരുന്നത്. അങ്ങനെ വരുന്നത് ആവർത്തന പ്രവർത്തിയിൽ കൂടിയാണ്. നേർ രേഖയിൽ പയറ്റുമ്പോൾ 18 സ്ഥാനങ്ങളിലേക്ക് മാത്രമേ (ഒറ്റ എന്ന പയറ്റ് മുറയിൽ രേഖപ്പെടുത്തിയിട്ടുള്ള സ്ഥാനങ്ങൾ) പ്രയോഗമുള്ളൂ. ഇതൊക്കെ യഥാർത്ഥ ഗുരുമുഖത്ത് നിന്ന് നേരിൽ അറിയാൻ ശ്രമിച്ചാൽ വളരെ ഗുണകരം.

  ഒറ്റയെപ്പറ്റി എന്റെ ഒരു ഗുരുനാഥന്റെ വാക്കുകൾ ഞാനിവിടെ സ്മരിക്കുന്നു.

    "ഒറ്റയെ അറിയുവാൻ ഇരട്ടക്ക്
      അറിഞ്ഞാൽ പിന്നെ ഒറ്റക്ക്
       കണ്ടാൽ പിന്നെ മൂലക്ക് "






Comments

Post a Comment

Popular posts from this blog

തേവർ വള്ളൻ

Image
മാന്ത്രിക വിദ്യയിലും ആയോധന കലയിലും അഗാധമായ പാണ്ഡിത്യമുണ്ടായിരുന്ന ഒരു യോദ്ധാവായിരുന്നു തേവര്‍ വെള്ളനെന്ന പുലയന്‍. പോര്‍ട്ടിഗീസുകാരെ യുദ്ധം ചെയ്ത് തോല്പിച്ച് ബേക്കല്‍ക്കോട്ടയെ രക്ഷിച്ച വട്ട്യന്‍പൊള്ളരെ പോലെ വടക്കന്‍ വീരഗാഥയിലെ നെടുംനായകന്‍ തച്ചോളി ഒതേനനുമായി നേരിട്ടു ഏറ്റുമുട്ടി ഒതേന കുറുപ്പിനെ തോല്പിച്ചു തേവര്‍ വെള്ളന്‍. വസൂരി പിടിച്ചാണ് അന്ത്യം വരിച്ചത്. ചരിത്ര കാരനായ എം.സി.വടകര ചന്ദ്രിക ദിനപത്രത്തില്‍ (2010 ഏപ്രില്‍ 25) ഈ ധീരയോദ്ധാവിനെ നമുക്ക് പരിചയപ്പെടുത്തി തരുന്നുണ്ട്. പേരാമ്പ്ര ചാനിയം കടവ് പൂമഠത്തില്‍ സാമിയാരുടെ കൃഷിപ്പണിക്കാരനായ കാവുങ്കുനി ചോയ്യോന്റെ മകനാണ് വെള്ളന്‍. കുറ്റ്യാടി പുഴയുടെ തീരപ്രദേശ ഗ്രാമമായ തിരുവള്ളൂരാണ് തേവർ വെള്ള ന്റെ തട്ടകം. അവിടെ അദ്ദേഹത്തിന്റെ പേരില്‍ ക്ഷേത്രമുണ്ട്. ക്ഷേത്രത്തില്‍ തിറയുത്സവം നടന്നുവരുന്നുണ്ട്. വെള്ളന്റെ പിതാവ് ചോയ്യോന്‍ കായിക അഭ്യാസത്തില്‍ കിടയറ്റവനായിരുന്നു. കളരിയുടെ നാലയലത്തുപോലും അധ:കൃതന് പ്രവേശനം അപ്രാപ്യമായിരുന്ന അക്കാലത്ത് എങ്ങനെ അദ്ദേഹം കായിക അഭ്യാസം പഠിച്ചു എന്നത് അത്ഭുതകരമായിരിക്കുന്നു. ജന്മസിദ്ധമായ അഭിരുചിയായിരിക്കാം അദ്ദേഹത്തെ ...
Read more

വിവിധ തരം ചുവടുകൾ

Image
 ആക്കച്ചുവടും നീക്കച്ചുവടും എന്ന നിലയിൽ ചുവടുകളെ കളരിപ്പയറ്റിൽ രണ്ടായി തരം തിരിച്ചിരിക്കുന്നു. ആക്കച്ചുവട് :-   കളരിപ്പയറ്റിൽ കാലുകൾ നിയമാനുസരണം ഉറപ്പിച്ചു നിലകൊള്ളുന്ന രീതിയെയാണ് ആക്കച്ചുവട് എന്ന് പറയുന്നത്. നീക്കച്ചുവട് :-   അഭ്യാസ നിയമപ്രകാരം ഒരു ചാട്ടത്തിന്നോ, ഒഴിവിനോ മറ്റോ വേണ്ടി ഒരുങ്ങി നിൽക്കുന്നതിനെയാണ് നീക്കച്ചുവട് എന്ന് പറയുന്നത്.   ചുവടുകൾ വയ്ക്കുമ്പോളുണ്ടാകുന്ന ആക്യതി, ചുവടുകൾ തമ്മിലുള്ള അകലം എന്നിവയെ ആധാരമാക്കി ഈ രണ്ട് വിഭാഗം ചുവടുകളെ വീണ്ടും പലവിധം വിഭജിച്ചിറ്റുണ്ട്. a. വട്ടച്ചുവട് b. അറപച്ചുവട് c. നീട്ടക്കാൽ ചുവട് d. കോൺകാൽ ചുവട് e. ഒറ്റക്കാൽ ചുവട് f. കെട്ടിനിൽപ് ചുവട് g. അസമകാൽ ചുവട് h. തെറ്റുകാൽ ചുവട് i. പിണക്കച്ചുവട് j. പകരിച്ചുവട് a- വട്ടച്ചുവട്:  പാദങ്ങള്‍ രണ്ടും തമ്മില്‍ പാദം മുതല്‍ മുട്ട് വരെയുള്ള അകലത്തില്‍ വച്ച് നട്ടെല്ല് നിവര്‍ത്തി സ്വല്‍പ്പം മുന്നോട്ടാഞ്ഞു തല ഉയര്‍ത്തി മുന്നോട്ട് നോക്കി കൈപ്പത്തിയും കൈ തണ്ടയും ചേര്‍ത്തു വെച്ച് കാല്‍മുട്ട് മടക്കി കാല്‍മുട്ടും ഊരയും സമം വരുന്ന നിലയില്‍ അമര്‍ന്ന് നില്‍ക്കുക.ഇതിനെ ഒ...
Read more

മർമ്മം എന്താകുന്നു(ആയൂർവേദം)

Image
മര്‍മ്മം എന്ന പദം മരിക്കുക എന്നര്‍ത്ഥമുള്ള  'മൃ'എന്ന ധാതുവില്‍നിന്ന് ഉത്ഭവിച്ചതാണ്. അതില്‍നിന്നു തന്നെ മര്‍മ്മത്തിന്‍റെ പ്രാധാന്യം വ്യക്തമാണ്.മുറിയുകയോ,അടി മുതലായത് കൊണ്ട് ചതവ് പറ്റുകയോ വ്രണം ഉണ്ടാവുകയോ ചെയ്താല്‍ മരണം സംഭവിക്കുന്ന സ്ഥലത്തെയാണ് മര്‍മ്മം എന്ന്‍ പറയുന്നത്.vital spot of body എന്നും vulnerable spot എന്നും മര്‍മ്മത്തെ പറയുന്നു.      ഏതാണ്ട് അയ്യായിരം വര്‍ഷങ്ങളോളം പഴക്കം വരുന്ന മര്‍മ്മശാസ്ത്രത്തിന്‍റെ ഉപജ്ഞാതാവ് അഗസ്ത്യ മഹര്‍ഷിയാണെന്ന കാര്യത്തില്‍ പൊതുവേ വിശ്വസിച്ച് വരുന്നു.         ഒരു മനുഷ്യ ശരീരത്തില്‍ 107 മര്‍മ്മങ്ങ ളാണ് സ്ഥിതി ചെയ്യുന്നത്. 'മര്‍മ്മത്ത് തല്ലരു ത് '  'മര്‍മ്മത്താണ് കുരുവന്നിരിക്കുന്നത് ' എ ന്നലാം ആളുകള്‍ പറയാറുള്ളത് മര്‍മ്മത്തി ന്‍റെ പ്രാധാന്യം  മനസ്സിലാക്കി തന്നെയാണ്.   മുന്‍നൂല്‍, പിന്‍നൂല്‍ എന്നിവയാണ് മർമ്മ ശാസ്ത്രങ്ങളുടെ മൂല ഗ്രന്ഥങ്ങള്‍.    അഗസ്ത്യരുടെ ശിഷ്യനായ ഭോഗര്‍ മുനി എഴുതിയ 'ഭോഗര്‍ പാടലി' യെ അടിസ്ഥാനപ്പെടുത്തിയാണ് മര്‍മ്മശാസ്ത്രങ്ങളുടെ രചന നടന്നിട്ടുള്ളത്.   ...
Read more