Martial Arts

  ചില ചുവടുകൾ അംഗീകരിച്ച് കൊണ്ട് ആക്കത്തോട് കൂടി നിലയുറപ്പിക്കുന്ന സമ്പ്രദായങ്ങളെയാണ് വടിവുകൾ എന്ന് പറയുന്നത്. ശത്രുവിന്റെ അക്രമണത്തെ പ്രതിരോധിക്കുന്നതിന്ന് വേണ്ടിയും തിരിച്ച് ആക്രമിക്കുന്നതിന്ന് വേണ്ടിയും ചില ഘട്ടങ്ങളിൽ ചില പ്രത്യേക നിലകൾ സ്വീകരിക്കേണ്ടി വരാറുണ്ട്. അത് പക്ഷികളുടെയും മ്യഗങ്ങളുടെയും ആയ നിലകൾ ആവാം. ഈ നിലകളെയാണ് വടിവുകൾ എന്ന് പറയുന്നത്.   വടിവുകളിൽ നിലയുറപ്പിച്ച് ചെയ്യുന്ന പ്രയോഗങ്ങൾക്ക് ആക്കവും ബലവും കൂടും. പ്രകൃതിയിൽ കാണപ്പെടുന്ന പക്ഷി മൃഗാദികൾ ഇരപിടിക്കാനും തമ്മിൽ പൊരുതാനും ഉപയോഗിച്ച് വരുന്ന രീതികളെ സസൂക്ഷ്മം പഠിച്ച് സന്ദർഭാനുസരണം അവയെ അനുകരിച്ച് ആവിശ്കകരിച്ചതായിരിക്കാം ഈ നിലകൾ(വടിവുകൾ) എന്ന് അനുമാനിക്കുന്നു. കളരിയഭ്യാസത്തിലെ പല പ്രയോഗങ്ങളും ഏറ്റവും ഫലപ്രദമായ രീതിയിലും ആവശ്യമായ ബലവും ആക്കവും കൊടുത്തും ചെയ്യണമെങ്കിൽ അതാതു പ്രയോഗങ്ങൾക്ക് അനുസൃതമായ വടിവുകൾ അവലംഭിച്ചു വേണം നീക്കങ്ങളും മറ്റും നടത്താൻ. ആയുധ പ്രയോഗങ്ങളും അതിസൂക്ഷ്മങ്ങളായ മർമ്മ പ്രയോഗങ്ങൾ പോലും അതത് വടിവുകൾ അവലംബിച്ച് പ്രയോഗിച്ചാലാണ് ഏറ്റവും ഫലപ്രദമാകുക. ചില മർമ്മ പ്രയോഗങ്ങൾ പോലും ഫലവത്താവണമെങ്ക...

 കളരി അഭ്യാസം പരിശീലിപ്പിക്കുന്നത് നാല് ഘട്ടങ്ങളിലായാണ്. 1. മെയ്ത്താരി 2. കോൽത്താരി 3. അങ്കത്താരി 4. വെറുംകൈ മെയ്ത്താത്താരി :-   മെയ്പ്പയറ്റാണ് കളരി(വടക്കൻ)യുടെ അടിസ്ഥാന പരിശീലനം. ആക്രമണത്തെ നേരിടാനും ശരീരത്തെ പ്രതിരോധിക്കുന്നതിന്ന് വേണ്ടിയും ശരീരത്തിന്ന് ഏത് നില കൈകൊള്ളുന്നതിന്ന് വേണ്ടിയും, അവിശ്വസനീയ വേഗതയിൽ ചാടാനും തിരിയാനും മറിയാനും അതിശയകരങ്ങളായ ദ്രുത ചലനങ്ങൾ സ്വയത്ത മാക്കാനും ഈ പരിശീലനം കൊണ്ട് സാധിക്കുന്നു. കൈകൾ കൊണ്ടും കാലുകൾ കൊണ്ടും ഒരേ വിധത്തിലുള്ള വേഗതയിലും സൂക്ഷ്മമായും ചെയ്യാൻ സാധിക്കുന്ന പ്രയോഗസിദ്ധി ഇതിലൂടെ നേടിയെടുക്കാൻ സാധിക്കും.  " മെയ് കണ്ണാകുക " എന്നതാണ് പയറ്റ് മൊഴി. കണ്ണടച്ചു തുറക്കുന്ന വേഗതയിൽ നീക്കങ്ങളും പ്രയോഗങ്ങളും ചെയ്ത് കഴിയണം എന്നതാണ് ഈ പദപ്രയോഗം കൊണ്ട് ഉദ്ദേശിക്കുന്നത്. മെയ്യിറക്കം, മെയ്യൊതുക്കം, മെയ്യടക്കം എന്നും ഇതിന് പറയുന്നുണ്ട്. ആയുധങ്ങൾ സമർത്ഥമായി ഉപയോഗിക്കുന്ന തിന്നും വെറും കൈകൾ കൊണ്ട് എതിരാളിയോട് പൊരുതുവാനും ആവശ്യമായ ദേഹസ്വാധീനം ഉണ്ടാക്കുകയാണ് ഇതിന്റെ ലക്ഷ്യം. അംഗലാഘവം, പ്രയോഗവേഗത, ദ്യഷ്ടികളുടെ ഏകാഗ്രത എന്നീ ഗുണങ്ങൾ ഇതിലൂടെ ല...

  കളരിയഭ്യാസത്തിന്റെ അടിസ്ഥാന ഘടകങ്ങൾ ആറണ്ണമാണ്. 1. മെയ്യഭ്യാസം:-   അസ്ഥി,ഞരമ്പുകൾ,മാംസം,തോൽ മുതലായവയുടെ പ്രവർത്തനം സുഗമമാക്കുക. 2. പ്രതിരോധം :-   അക്രമണങ്ങളെ തടഞ്ഞ് നിർത്തുക 3. പ്രത്യാക്രമണം :-   അക്രമണങ്ങളിൽ നിന്നും രക്ഷ നേടുന്നതിനുള്ള പഴുതുകൾ ഉണ്ടാക്കുക 4. സ്ഥാനനിർണ്ണയം :-   അവരവർ കൈകളാൽ 9 ചാൺ നീളമുള്ള മനുഷ്യശരീരത്തിൽ നാഡീഞരമ്പുകളുടെ പിന്നലുകൾ, പൊയ്കകകൾ അഗ്രങ്ങളായി 108 മർമ്മസ്ഥാനങ്ങൾ ഉണ്ട് (ഒരു അഭിപ്രായം). ഈ 108 സ്ഥാനങ്ങളെ നിർണ്ണയം ചെയ്യുന്നതാണ് സ്ഥാനനിർണ്ണയം. 5. മർമ്മ ചികിത്സ :-   മർമ്മമാകുന്ന ജീവന്റെ സഞ്ചാര മാർഗ്ഗ ങ്ങളിൽ ഉണ്ടാകുന്ന തടസ്ഥങ്ങളെ മാറ്റുന്നത്. അതായത് അസ്ഥി ഒടിഞ്ഞാലും മാംസം ചതഞ്ഞാലും മർമ്മാഭിഘാതമേറ്റാലും അതിനെ ശരിപ്പെടുത്തുന്നത്. 6. മർമ്മം അഭ്യസിക്കൽ :-   തന്നിൽ സ്ഥിതി ചെയ്തിരിക്കുന്ന മർമ്മമാ കുന്ന ജീവനെ അഭ്യസിച്ച് കൈവശപ്പെടു ത്തുന്നത്. ഈ ആറ് ഘടകങ്ങളും പഠിക്കുമ്പോൾ മാത്രമെ കളരി അഭ്യാസം പൂർത്തിയാകുകയുള്ളൂ.